चार महिनापछि खाद्यान्न बिक्री सुरु

नेपालचेक समाचारदाता सोमबार, पौष २५, २०७९

सिमकोट । खाद्य व्यवस्था तथा व्यापार कम्पनी लिमिटेड शाखा कार्यालय हुम्लाले चार महिनापछि खाद्यान्न बिक्री वितरण सुरु गरेको हो । आइतबारदेखि ढुवानी अनुुदानको खाद्यान्न बिक्री गरिहेको छ । यस वर्षको कोटाको खाद्यान्न ढुवानी भएर आएपछि बिक्री गर्न मिल्ने गरी मौज्दात हुँदा शाखाले बिक्री सुुरु गरेको जानकारी प्राप्त भएको छ ।

असोजमा दसँैका लागि खाद्यान्न बिक्री गरिएको थियो । भने त्यसयता खाद्यान्न मौज्दात न्यून हुँदा शाखाले सूचना नै निकालेर लामो समय खाद्यान्न बिक्री बन्द गरेको भएपनि आइतबार देखि सुरु गरिएको लिमिटेड शाखा हुम्लाका सुब्बा नविन आर्चायले बताउनुभयो ।

शाखाको गोदाममा आठ सय क्विन्टल मौज्दात रहेको र दैनिक डेढ देखि दुुई सय क्विन्टल खाद्यान्न हवाईमार्गबाट ढुवानी भइरहेका कारण बिक्री सुुरु गरिएको हो । आइतबार सुुरु भएको खाद्यान्न बिक्री कार्य माघ ६ गतेसम्म जारी रहनेछ । शाखाअन्तर्गत तीन हजार दुुई सय ग्राहकका लागि एक पटक बिक्री गर्न तीन हजार क्विन्टल खाद्यान्न आवश्यक पर्छ । परिवार संख्या हेरी उपभोक्ताले चारदेखि ७० केजीसम्म खाद्यान्न पाउने गर्छन् । बास्मतीलगायत खाद्यान्न बिक्री भइरहेको शाखाले जनाएको छ । प्रतिव्यत्ति शाखाले चार केजीका दरले वितरण गरिरहेको छ ।

सर्वसाधारणले दसँैमा खाद्यान्न पाए पनि तिहारमा समेत पाएका थिएनन् । यस वर्षको निर्धारित कोटाको खाद्यान्नमा सुर्खेतबाट ६ हजार, नेपालगञ्जबाट दुुई हजार र पैदल मार्गको सलीसल्लाबाट दुुई हजार क्विन्टल खाद्यान्न हवाईजहाज र हेलिकोप्टरबाट ढुवानी हुँदा बिक्री गर्न मिल्ने मौज्दात भएपछि बिक्री गरिएको हो ।

सूचना विभाग दर्ता नं. २६०६/०७७–७८

प्रकाशक
श्री जनमैत्री कृषि सहकारी संस्था लिमीटेड
सिमकोट ५ , हुम्ला

टिमहरु

प्रबन्ध निर्देशक : शुरेस परियार
सह-सम्पादक : दाने बोहरा